Xocalı Soyqırımının otuz birinci ildönümünə həsr olunmuş konfrans keçirilib
Xocalı Soyqırımının otuz birinci ildönümünə həsr olunmuş konfrans keçirilib. Konfrans Azərbaycan Respublikası Dövlət Himninin səsləndirilməsi ilə başlanıb. Ardınca torpaqlarımız uğrunda canından keçmiş şəhidlərimizin, Xocalı soyqırımı qurbanlarının ruhu bir dəqiqəlik sükutla yad edilib. Tarix müəllimləri Cəmilə Abdullayeva və Məhəbbət Tarverdiyev tariximizi unutdurmamaq məqsədi daşıyan bu konfransda şagirdlərə bəşər tarixinin ən dəhşətli faciələrindən olan Xocalı soyqırımı haqqında geniş məlumat veriblər. Tədbirin sonunda məktəblilərin də iştirakı ilə yekun müzakirələr aparılıb və Xocalı Soyqırımından bəhs edən videoçarx təqdim olunub.
