Lütfi Zadənin xatirəsi anılıb
Riyaziyyatçı, kompüter alimi, elektrik mühəndisi, süni zəka tətqiqatçısı və Kaliforniyadakı Berkeley Universitetində kompüter üzrə əməkdar professor Lütfəli Rəhim oğlu Ələsgərzadənin xatirəsini anmaq və onun elmi fəaliyyəti barədə şagirdləri məlumatlandırmaq məqsədi ilə məktəbin riyaziyyat müəllimi Zümrüd Əzizova 10/A sinif şagirdləri ilə maarifləndirici dərs keçirib. Dərsdə ilk olaraq alimin həyat və fəaliyyətindən bəhs edən videoçarx nümayiş olunub. Ardınca müəllim qeyri-səlis məntiq nəzəriyyəsi, onun elm və sənayedəki rolu barədə geniş məlumat verib və şagirdlərlə qarşılıqlı fikir mübadiləsi aparıb.
