20 Yanvar faciəsinə həsr olunmuş xüsusi dərs keçirilib
Məktəbin ibtidai sinif müəllimi Alimə Abdullayeva 2/B sinfində 20 Yanvar faciəsinin otuz üçüncü ildönümünə həsr olunmuş xüsusi dərs keçirib. Əvvəlcə 20 Yanvar faciəsi zamanı və Qarabağ uğrunda şəhid olan soydaşlarımızın unudulmaz xatirələri bir dəqiqəlik sükutla yad edilib. Müəllim 20 Yanvar faciəsinin başvermə səbəbləri haqqında şagirdlərə dolğun informasiya verib. Şagirdlər faciəni əks etdirən şeirlər səsləndirib və vətənimizin azadlığı, torpaqlarımızın bütövlüyü uğrunda canlarını fəda edən soydaşlarımızın əziz xatirələrini hər zaman yaşadacaqlarını bildiriblər. Sonda mövzuya uyğun videoçarx nümayiş olunub.
