20 Yanvar faciəsinə həsr olunmuş ədəbi-bədii kompozisiya keçirilib
19.01.2023-cü il tarixində məktəbin akt zalında Azərbaycanın azadlıq və müstəqillik mübarizəsi tarixinə qəhrəmanlıq səhifəsi kimi yazılmış Yanvar faciəsinin otuz üçüncü ildönümünə həsr olunmuş “İstiqlal yolunun ilk zirvəsi” adlı ədəbi-bədii kompozisiya keçirilib. Məktəb rəhbərliyi, müəllim və şagird kollektivinin iştirakı ilə keçən tədbir Azərbaycan Respublikası Dövlət Himninin səslənməsi, şəhidlərin ruhunun bir dəqiqəlik sükutla yad edilməsi ilə başlanıb.
Ardınca şagirdlərin ifasında faciəni əks etdirən şeirlər, mahnılar səsləndirilib, səhnəciklər nümayiş etdirilib. Şagirdlər tərəfindən nümayiş etdirilən ədəbi-bədii kompozisiyada 8/B sinif şagirdləri fəal iştirak ediblər.
Tədbir boyu fonda 20 yanvar hadisələrini əks etdirən slaydlar, vidioçarxlar nümayiş etdirilib. Sonda çıxış edən, məktəbin TİDM Yeganə Dadaşova qeyd edib ki, 20 yanvar hadisəsi xalqımızın tarixinə həkk olunmuş ən qanlı faciələrdəndir. Keçmiş sovet imperiyası ordusu qarşısına silahsız, əliyalın çıxaraq canlarından keçən 20 yanvar şəhidləri hər zaman xalqımızın xatirəsində qəhrəman kimi qalacaqdır.
