"Tariximizi unutmadıq" adlı konfrans keçirilib
"20 Yanvar faciəsi"nə həsr olunmuş konfrans məktəbin akt zalında keçirilib. Məktəbin TİDM Yeganə Dadaşova, tarix müəllimləri Cəmilə Abdullayeva və Məhəbbət Tarverdiyev iştirakı ilə keçən konfrans Azərbaycan Respublikasının Dövlət Himninin səslənməsi, şəhidlərin ruhunun bir dəqiqəlik sükutla anılması ilə başlanıb. Konfrans şagirdlərin vətənpərvərlik ruhunda tərbiyə olunub, tariximizi və qəhrəmanlarımızı daim yaşatmaq məqsədilə keçirilib. Müəllimlər çıxışlarında "20 Yanvar faciəsi"nin xalqımızın qəhrəmanlıq və mərdlik zirvəsi olduğunu qeyd ediblər. Şagirdlər canlarını qurban verən şəhidlərin milli azadlığımız carçıları olduğu barədə məlumatlanıblar. Sonda mövzuya uyğun videoçarx nümayiş olunub.
