Cənab Prezident İlham Əliyevin doğum günü münasibəti ilə xüsusi dərs keçirilib
23.12.2022-ci il tarixində məktəbin tarix müəllimi Məhəbbət Tarverdiyev IX sinif şagirdləri ilə Cənab Prezident İlham Əliyevin doğum günü münasibəti ilə xüsusi dərs keçirib. Dərsin keçirilməsində məqsəd Azərbaycanın müzəffər komandanı İlham Əliyevin həyat və fəaliyyəti haqqında şagirdləri məlumatlandırmaq olub. İlk olaraq müəllim, ölkəmizdə iqtisadiyyatın, elmin, təhsilin, mədəniyyətin və digər sahələrin inkişafın Prezident İlham Əliyev siyasətinin nəticəsi olduğunu vurğulayıb. Ardınca Prezidentin həyat və fəaliyyətindən bəhs edən videoçarx nümayiş olunub. Şagirdlərin fikirləri dinlənilib. Onlar da İlham Əliyev siyasətinin əhəmiyyətindən danışıb, ölkəmizin dünyada nüfuzunun yüksəlməsinin bununla əlaqəli olduğunu qeyd ediblər.
