“Zəfər tarixi” konfransı keçirilib
25.11.2022-ci il tarixində məktəbin akt zalında “Zəfər tarixi” adlı konfrans təşkil olunub. Konfrans tarix müəllim Məhəbbət Tarverdiyevin təşkilatçılığı ilə IX sinif şagirdləri arasında keçirilib. Konfransda ilk olaraq Dövlət Himni səsləndirilib, şəhidlərin ruhu 1 dəqiqəlik sükutla yad olunub. Konfrans təlimata uyğun olaraq müəllimin hazırladığı interaktiv dərs formasında təşkil edilib. Müəllim şagirdləri Zəfər tariximiz barədə məlumatlandırıb. Şəhidlər, Qarabağ müharibəsi qəhrəmanları tanıdılıb. Şagirdlərlə mövzuya uyğun fikir mübadiləsi aparılıb. Konfransın keçirilməsində məqsəd şagirdlərin milli mənlik şüurunun, vətənpərvərlik hisslərinin tərbiyəsi, onlarda ölkə, vətən sevgisinin anlayışlarının formalaşdırılmasından ibarətdir.
