Maarifləndirici dərs keçirilib
İbtidai sinif müəllimi Ləman Məmmədbəyova 4/a sinif şagirdləri ilə “Uşaq hüquqları aylığı”na həsr olunmuş maarifləndirici dərs keçirib. Dərsin keçirilməsində məqsəd şagirdləri öz hüquq və vəzifələri barədə məlumatlandırmaq olub.
İlk olaraq müəllim uşaqların hüquq və vəzifələrini onlara çatdırıb, qanunla üzərilərinə düşən vəzifələri izah edib. Həmçinin mövzuya uyğun videoçarxlar nümayiş olunub. Şagirdlər isə uşaq hüquqları ilə bağlı çəkdikləri rəsmləri təqdim ediblər. Dərsdə şagirdlərin sualları cavablandırılıb, onlarla fikir mübadiləsi aparılıb.
