"Şanlı Zəfər"
04.11.2022-ci il tarixində “Zəfər Günü”nə həsr olunmuş “Şanlı Zəfər” adlı tədbir keçirilib. Tədbir Azərbaycan Respublikası Dövlət Himninin səsləndirilməsi ilə başlanıb. Şəhidlərin xatirəsi bir dəqiqəlik sükutla yad olunub.
Tədbirdə Nardaran kəndinin qaziləri və Maştağa kəndinin ilk şəhidi Bəhruz Əliyevin atası Elman Əliyev iştirak ediblər.
Məktəbin direktoru Samirə Əliyeva çıxışında, azad olmuş torpaqlarımızdan, ordumuzun və Ali Baş Komandanın şücaətindən danışıb. Tədbir şagirdlərin vətənpərlik mövzusunda səsləndirdikləri şeir və nəğmələrlə davam edib.
Sonda qonaqlara söz verilib, qazi Amil Səlimovun qızları atalarına həsr olunmuş şeir səsləndiriblər.
