“31 Mart Azərbaycanlıların Soyqırımı günü”nə həsr olunmuş dəyirmi masa keçirildi
“31 Mart Azərbaycanlıların Soyqırımı günü”nə həsr olunmuş dəyirmi masa keçirildi. Dəyirmi masa TİDM Yeganə Dadaşovanın rəhbərliyi, tarix müəllimləri Anar Mustafayev və Cəmilə Abdullayevanın təşkilatçılığı ilə həyata keçirildi. Bu hadisə ilə bağlı ilk olaraq Anar müəllim ətraflı məlumat verdi. Həmin dönəmdə baş veren bütün tarixi hadisələr, siyasi məqamlar geniş şəkildə müzakirə olundu. Cəmilə müəllim də öz nitqində Azərbaycanın qan yaddaşı olan 31 Mart hadisələrinin dəhşətini ifadə edərək, soyqırım zamanı 12 minə yaxın azərbaycanlının qətlə yetirildiyini şagirdlərin nəzərinə çatdırdı. Dəyirmi masa iştirakçıları hadisə ilə bağlı videoçarx izlədilər. Daha sonra şagirdlər hazırladıqları təqdimatları oxuyub, fikir mübadiləsi apardılar.
