Novruz bayramına həsr olunmuş ədəbi-bədii kompozisiya keçirildi
Bakı şəhəri üzrə Təhsil İdarəsinin 01.03.2022-ci il tarixli F-85 nömrəli əmrinin icrası ilə əlaqədar "Bahar çələngi" layihəsi çərçivəsində “Xonçalı Novruz gəlir” adlı ümumməktəb tədbiri keçirildi. Məktəbin TİDM Yeganə Dadaşovanın rəhbərliyi ilə təşkil olunan ədəbi-bədii kompozisiyalarda şagirdlər Novruz adət-ənənələrini əks etdirən səhnəciklər, həmçinin bahar təravətli bayram mahnıları,şeirlər səsləndiriblər. Eyni zamanda şagirdlərin ifasında milli rəqslər, xalq oyunları, Keçəl və Kosanın məzəli əhvalatları tədbirə xüsusi rəngarənglik, şən əhval-ruhiyyə qatıb.Tədbirdə məktəbin direktoru Samirə Əliyeva Novruz bayramı münasibətilə kollektivi və tədbirə qatılan qonaqları təbrik edib, qələbə və Şuşa ətirli bir bayram qeyd etməyimizdən məmnunluğunu bildirib.
