“Xocalı faciəsinin otuzuncu ildönümü”nə həsr olunmuş tədbir təşkil olundu
Məktəbin TİDM Yeganə Dadaşovanın rəhbərliyi, 10-cu sinif şagirdlərinin təşkilatçılığı ilə “Xocalı faciəsinin otuzuncu ildönümü”nə həsr olunmuş tədbir təşkil olundu. Tədbir 4b,7a,b,8a sinif şagirdlərinin iştirakı ilə həyata keçirildi. İlk olaraq şəhidlərin ruhu 1dəqiqəlik sükutla yad olundu. Daha sonra şagirdlərin ifasında faciəni ifadə edən şeirlər səsləndirildi. Videoçarxlar təqdim olundu. Həmçinin 3c sinif şagirdlərinin təqdimatında Xocalı faciəsini əks etdirən səhnəcik də nümayiş olundu. Tədbirin sonunda məktəbin direktoru Samirə Əliyeva və TİDM Yeganə Dadaşova da çıxış edərək şagirdlərin vətənpərvərlik ruhunda yetişmələrinin əhəmiyyətini vurğuladılar.
