“Xocalı faciəsinin otuzuncu ildönümü”nə həsr olunmuş xüsusi dərs təşkil olundu
“Xocalı faciəsinin otuzuncu ildönümü”nün anılması məqsədi ilə müxtəlif fəaliyyətlər həyata keçirilir. Bunlar arasında xüsusi dərslərin təşkili də mühim əhəmiyyətə malikdir. Belə dərslərdən biri məktəbin tarix müəllimi Anar Mustafayev tərəfindən həyata keçirilmişdir. 5a sinfində baş tutan dərs zamanı müəllim tarixi həqiqətlər barədə şagirdləri məlumatlandırdı. O həmçinin soyqırım anlayışının mənası və ermənilərin Azərbaycan xalqına qarşı soyqırım törətmə məqsədləri barədə geniş məlumat verdi. Xüsusi dərs zamanı şagirdlər müəllimin verdiyi sualları cavablandırıb, videoçarx izlədilər.
