“Ana Dili Günü” nə həsr olunmuş şeir müsabiqəsi
Məktəbin TİDM Yeganə Dadaşovanın rəhbərliyi, kitabxana müdiri Ülkər Bağırovanın təşkilatçılığı ilə “Ana Dili Günü” nə həsr olunmuş şeir müsabiqəsi təşkil olundu. Şeir müsabiqəsində iştirak edən şagirdlər Ana dilinə həsr olunmuş şeirlər səsləndirdilər. Münsif qismində əyləşmiş müəllimlərin verdiyi ballar əsasında yarışın mükafatçıları təyin olundu. Məktəbin 4b sinif şagirdi Talıblı Məhəmmədəmin III yerə, 3a sinif şagirdi Zəkiyeva Rübab II yerə layiq görüldü. Yarışın qalibi isə 4b sinif şagirdi Bəşirova Nigar oldu. İlk 3 yeri qazanan şagirdlərə hədiyə olaraq kitab təqdim olundu.
