Milli Qəhrəman Mübariz İbrahimovun xatirəsinin anılması məqsədilə dəyirmi masa təşkil olundu
Azərbaycanın Milli Qəhrəmanı Mübariz İbrahimovun anadan olmasının 34-cü ildönümü ərəfəsində məktəbimizdə onun xatirəsinin anılması məqsədi ilə dəyirmi masa təşkil olundu. Dəyirmi masa məktəbin TİDM Yeganə Dadaşovanın rəhbərliyi, ingilis dili müəllimi Sənubər Cəlalinin təşkilatçılığı ilə baş tutdu. Burada məktəb direktoru Samirə Əliyeva, UBTR Təhminə Novruzova və Azərbaycan dili və ədəbiyyatı müəllimi Afaq Əhmədova da iştirak edirdilər. Dəyirmi masada həmçinin məktəbin 7a sinfinin də iştirakı baş tutdu. Bu sinfin şagirdləri Mübariz İbrahimovun xatirəsini əziz tutan, onun qəhrəmanlığından bəhs edən şeirlər səsləndirdilər. Sənubər müəllim isə bu qəhrəmanın həyatından bəhs etməklə hər kəsi bir daha məlumatlandırdı. Dəyirmi masada qəhrəmanın həyat və qəhrəmanlıq yolunu özündə əks etdirən videoçarxlar nümayiş olundu. Direktor Samirə Əliyeva da hər kəsə və həmçinin şagirdlərə bir ömür örnək olacaq bu qəhrəmanın daim ehtiramla anılmalı olduğunu qeyd etdi. O, öz çıxışında Mübariz İbrahimovun ailəsi ilə görüşündən olan xatirələri də dəyirmi masa iştirakçılarının diqqətinə çatdırdı.
