20 Yanvar faciəsinin otuz ikinci ildönümü ilə əlaqədar şeir müsabiqəsi təşkil olundu
Məktəbin TİDM Yeganə Dadaşovanın rəhbərliyi, kitabxana müdiri Ülkər Bağırovanın, UBTR Təhminə Novruzovanın təşkilatçılığı ilə 20 Yanvar faciəsinin otuz ikinci ildönümü ilə əlaqədar şeir müsabiqəsi təşkil olundu. Müsabiqə 20 Yanvar şəhidlərinin 1 dəqiqəlik sükutla anılması ilə başlandı. Şeir müsabiqəsində iştirak edən şagirdlər 20 Yanvar faciəsinə həsr olunmuş şeirlər səsləndirdilər. Münsif qismində əyləşmiş müəllimlərin verdiyi ballar əsasında yarışın mükafatçıları təyin olundu. Məktəbin 11a sinif şagirdləri Əminə Babayeva üçüncü yerə, Leylaxanım Talıbova ikinci yerə layiq görüldü. Yarışın qalibi isə 8a sinif şagirdi Fəridə İbrahimova oldu. İlk 3 yeri qazanan şagirdlər diplomla təltif olundular. Birinci yeri qazanan şagirdə isə diplomla yanaşı kitab da hədiyə olundu.
