Məktəbimizdə 20 Yanvar faciəsinin otuz ikinci ildönümü ilə əlaqədar silsilə tədbirlər davam edir
Məktəbin TİDM Yeganə Dadaşovanın rəhbərliyi, kitabxana müdiri Ülkər Bağırovanın, UBTR Təhminə Novruzovanın və məktəbin Azərbaycan dili və ədəbiyyatı müəllimi Afaq Əhmədovanın təşkilatçılığı ilə "20 Yanvar - Azadlığa gedən yolun zirvəsi" adlı ədəbi-bədii kompozisiya nümayiş etdirilib.
Tədbir 20 Yanvar faciəsində həlak olanların əziz xatirəsinin bir dəqiqəlik sükutla yad edilməsi ilə başladı. Himn səsləndikdən sonra şagirdlərin ifasında 20 Yanvar faciəsinə və şəhidlərinə həsr olunan şeirlər səsləndirilib, səhnəciklər nümayiş etdirildi. Daha sonra 20 Yanvar hadisələrini əks etdirən videoçarx təqdim olunub. Sonda məktəbin direktoru Samirə Əliyeva çıxış edərək belə tədbirlərin şagirdlərdə milli qürur hissinin formalaşmasında oynadığı müstəsna roldan danışıb.
