Azərbaycan Respublikasının Prezidenti cənab İlham Əliyevin 60 illik yubileyinə həsr olunmuş dəyirmi masa keçirildi
Məktəbin TİDM Yeganə Dadaşovanın rəhbərliyi, tarix müəllimi Anar Mustafayevin təşkilatçılığı ilə icra olunan dəyirmi masa Prezident İlham Əliyevin 60 illik yubileyinə həsr olunmuşdu. Dəyirmi masa Azərbaycan Respublikasının Dövlət himninin səslənməsi ilə başlandı. Daha sonra tarix müəllimi Anar Mustafayev İlham Əliyevin həyat və fəaliyyətindən söz açaraq şagirdləri məlumatlandırdı. O, çıxışında cənab prezidentin siyasi fəaliyyətinə geniş yer ayırdı. Onun yüksək diplomatik bacarığının, Azərbaycanı hər sahədə inkişafa apardığını da şagirdlərin nəzərinə çatdırdı. Həmçinin onun bu siyasi bacarığına görə dünya liderləri tərəfindən yüksək rəğbətlə qarşılandığı qeyd olundu. İlham Əliyev haqqında dünya liderlərinin fikirlərini özündə əks etdirən video çarx vasitəsi ilə dəyirmi masa iştirakçıları bir daha bunun əyani şahidi oldular. Həmçinin 2ci Qarabağ qələbəsinin memarı olan ali baş komandanın bu qələbəyədək apardığı əzimli mübarizə və parlaq qələbə yoluna da nəzər salındı. Videoçarxlar nümaiş olundu. Şagirdlər də öz növbələrində İlham Əliyevi təbrik edərək,vətənə,ali rəhbərə layiqli vətəndaş olmaq üçün çalışdıqlarını qeyd etdilər. Məktəbin direktoru Samirə Əliyeva və TİDM Yeganə Dadaşovanın çıxış və təbriklərindən sonra dəyirmi masa sonlandırıldı.
