18 Oktyabr müstəqilliyin bərpası günü ilə bağlı maarifləndirici dərs təşkil edildi
18 Oktyabr Azərbaycan dövlət müstəqilliyinin bərpası günüdür. Bu tarixin mahiyyəti 130 nömrəli məktəbin 3ç sinfində təşkil olunan maarifləndirici dərs zamanı şagirdlərə çatdırıldı. Dərs himnin oxunması ilə başlanıldı. Təqdim olunan videoçarxda müstəqilliyə qədər keçən yola nəzər salındı. Şagirdlər vətən haqqında şeirlər söyləyib, vətənpərvərlik mövzusunda mahnılar oxudular. Sinif müəllimi Aynur Musayeva müstəqillik yolumuzun Qarabağ qələbəsi ilə yekunlaşdığını qeyd etdi. Şagirdlər də bu parlaq qələbədən bəhs etdilər. Dərs çatdırılan biliklərin ümumiləşdirilməsi ilə tamamlandı.
