122 №-li ümumi orta məktəb

Bakı Şəhəri üzrə Təhsil İdarəsinin müdiri Rəşad Tağıyevin ARB24 TV-yə müsahibəsi

Çağdaş dünyanın təhsil trendləri islahat və yeniliklərin çevik tətbiqini tələb edir. Çünki müasir dövrün inkişaf meyilləri təhsilin yetişdirdiyi insanların bacarıqlarından başlayır.

Bu baxımdan ölkə ümumi təhsilinin flaqmanı olan Bakı təhsilində hansı fəaliyyət istiqamətləri müəyyən olunub, məktəbyaşlı uşaqları dünyanın rəqabət mühitinə hazırlamaq üçün əsas prioritetlər nədən ibarətdir? Eləcə də 2019-cu təqvim ilində təhsildə keyfiyyətin artırılması istiqamətində hansı işlər görülüb?

Bütün bunlar barədə Bakı Şəhəri üzrə Təhsil İdarəsinin müdiri Rəşad Tağıyev ARB24 TV-yə müsahibəsində qeyd edib.

          Noyabr ayı məktəbimizdə fizika aylığı idi. Şagirdlər Fizika aylığında araşdırmalar aparmış, yeni məlumatlar, maraqlı faktlar əldə etmişlər. Şagirdlər aktiv olaraq, həvəslə divar qəzetləri hazırlayır, əl işləri düzəldirlər. “Bizim fizika dünyamız” adı altında maraqlı məlumatlar, alimlərin həyatı haqqında  maraqlı faktlar. Istedadlı şagirdlər tərəfindən çəkilən bir neçə alimin şəkli öz əksini tapırdı. Həmçinin şagirdlər fizikadan bir neçə cihaz  və qurğunun maketini hazırladılar. 28.11.2019-cu il tarixində məktəbin VIII sinfində “İstilik balansı təkliyi” mövzusunda açıq dərs keçirildi. Beləliklə də fizika aylığı tamamlandı.

Paytaxtın ümumi təhsil müəssisələri arasında təşkil olunmuş “Ən yaxşı məktəb saytı” müsabiqəsi qaliblərinin mükafatlandırılma mərasimi keçirilib.

Bakı Şəhəri üzrə Təhsil İdarəsində (BŞTİ) təşkil edilmiş tədbirdə BŞTİ-nin müdiri Rəşad Tağıyev, İdarənin müvafiq struktur bölmə rəhbərləri, qalib məktəblərin direktorları və məktəblərin saytının idarə edilməsi üzrə məsul şəxslər iştirak ediblər.

Bakının 12 inzibati rayonunu əhatə edən müsabiqənin 2018-2019-cu tədris ilinin nəticələrinə görə, Binəqədi rayonu üzrə 102, Sabunçu rayonu üzrə 78, Xətai rayonu üzrə 257, Nərimanov rayonu üzrə 212, Pirallahı rayonu üzrə 186, Qaradağ rayonu üzrə 228, Suraxanı rayonu üzrə 76, Xəzər rayonu üzrə 206, Nəsimi rayonu üzrə 211, Nizami rayonu üzrə 12, Səbail rayonu üzrə 51, Yasamal rayonu üzrə 21 nömrəli tam orta məktəblər Münsiflər heyəti tərəfindən qalib seçiliblər.

Tədbirdə çıxış edən BŞTİ-nin müdiri Rəşad Tağıyev müsabiqə qaliblərini təbrik edib və müsabiqənin keçirilməsinin əhəmiyyətindən danışıb. Bildirib ki, müsabiqə məktəb saytlarının fəaliyyətinin səmərəliliyinin artırılması, bu sahədə təcrübə mübadiləsinin genişləndirilməsi və təhsil müəssisələrinin həyatındakı yeniliklərin ictimaiyyətə daha operativ çatdırılması məqsədilə həyata keçirilir.

R.Tağıyev ən yaxşı məktəb saytlarının seçimində ümumi təhsil müəssisələrinin fəaliyyətinin geniş ictimaiyyətə operativ şəkildə çatdırılması, təhsil müəssisələrinin əldə olunan uğurları və qarşıda duran vəzifələri haqqında əhatəli informasiyaların verilməsi, saytlarda xəbərlərin mütəmadi yenilənməsi, xəbərlərin məzmun səlisliyi və dolğunluğu kimi meyarların əsas tutulduğunu vurğulayıb.

İdarə müdiri bütün məktəb saytları üzrə müvafiq bölmələrin keyfiyyət və məzmun baxımından zənginləşdirilməsinin, məktəb haqqında göstəricilərin hazırki vəziyyətə uyğunlaşdırılmasının zəruriliyini nəzərə çatdırıb. Məktəb saytlarında operativliyin artırılması və təhsilə dair maraqlı məqalələrin yerləşdirilməsini tövsiyə edib.

Qalib məktəb direktorları məktəb saytlarının müvafiq meyarlara uyğunlaşdırılması istiqamətində görülmüş işlərdən danışıb və müsabiqənin təşkilinə görə təşəkkürlərini  bildiriblər.

Sonra müsabiqədə paytaxtın hər bir inzibati rayonu üzrə qalib gəlmiş məktəblər İdarə tərəfindən diplom və qiymətli hədiyyələrlə mükafatlandırılıb.

Qeyd edək ki, “Ən yaxşı məktəb saytı” müsabiqəsinə 2017-2018-ci tədris ilindən başlanılıb. Müsabiqə çərçivəsində hər tədris ili üzrə qaliblər bir dəfə seçilir.

            12.11.2019-cu il tarixində Zirə Müalicə Diaqnostik Mərkəzinin nümayəndəsi Qasımova Şəhla tərəfindən 122 nömrəli məktəbin bütün sinifləri üzrə sanitar-gigiyenik müayinə aparıldı. Məktəb üzrə bütün şagirdlərin görmə, eşitmə, boy və çəkisi, burun – boğaz müayyinəsi aparıldı. Həmçinin şagirdləri gigiyenasına daxil müayinə aparılaraq dırnaqları, başları və s. yoxlanıldı. Üzə çıxan xəstəliklər, gigiyenik pozuntular haqqında məlumatlar qeyd olundu və sinif rəhbərlərinə, valideynlərə məlumatlar verildi.

            Yoluxucu xəstəliklər və gigiyenik qaydalar, onlardan qorunmaq yolları haqqın-da  həkim tərəfindən maarifləndirici söhbətlər aparılaraq uşaqlara ətraflı məlumatlar verildi.

       2018-2019-cu tədris ilinin noyabr ayının 21-də məktəbdə şəkərli diabed haqqında fotostendlər, dəyirmi masalar keçirildi. Şagirdlərə şəkərli diabed xəstəliyi haqqında məlumat verildi. Bu xəstəliyə tutulan insanların həyat tərzinin nə qədər çətin olduğu şagirdlərə izah edildi. Çünki həmin xəstələr həyatları boyu pəhrizlə yaşayırlar. Gəlin sağlamlığımızı qoruyaq, əsəbdən, stressdən uzaq qalaq, sağlam həyat yaşayaq.