"Qızların təhsildən yayınması hallarının qarşısının alınması" mövzusunda maarifləndirmə tədbiri keçirildi
30 noyabr 2023- ci il tarixində Kitabxana müdiri İradə Mustafayevanın təşkilatçılığı ilə "Qızların təhsildən yayınması hallarının qarşısının alınması" mövzusunda maarifləndirmə tədbiri keçirildi. Tədbirdə fənn müəllimləri L.Zülfüqarova , Z.Süleymanova və 8f sinif şagirdləri də iştirak etdilər. İradə müəllim tədbirə Hacı Zeynalabdin Tağıyevin bir kəlamını xatırladaraq başladı: "Bir oğlana təhsil verməklə, təhsilli bir insan qazanarsınız , bir qıza təhsil verməklə isə təhsilli bir ailə qazanmış olarsınız". Daha sonra uşaqlarla məktəbdənkənar və sinifdənxaric işləri üzrə təşkilatçı X.Fərəcova şagirdlərə bu mövzu ilə bağlı tövsiyələrini verdi. Tədbirdə şagirdləri maraqlandıran suallar cavablandırıldı. Bu mövzu ilə bağlı video-slayd nümayiş olundu.
