"Bayraq mənliyimdir, bayraq kimliyim" adlı tədbir keçirildi
6 noyabr 2023-cü il tarixində məktəbin ibtidai sinif müəllimi R. Əsgərovanın təşkilatçılığı, 3B sinif şagirdlərinin iştirakilə 9 noyabr "Bayraq günü" nə həsr olunmuş "Bayraq mənliyimdir, bayraq kimliyim" adlı tədbir keçirildi. Tədbir Azərbaycan Respublikasının Dövlət Himni ilə açıq elan olundu. Tədbiri giriş sözü ilə açan R. Əsgərova bu günün əhəmiyyətini, xalqımızın bayrağa xüsusi dəyər verdiyini, onu qoruduğunu vurğuladı. Şagirdlər Azərbaycan bayrağının keçmişə dayanan tarixindən danışdı, bayrağın hər bir dövlət üçün suverenlik, müstəqillik simvolu olduğunu qeyd etdilər. Sonda şagirdlər dövlət bayrağına həsr olunmuş şeirlər səsləndirdi, mahnı ifa etdi və rəqs nümunələri nümayiş etdirdilər.
