Böyük uğur
Respublika Fənn Olimpiadaları Ümumtəhsil müəssisələrində 9-11-ci sinif şagirdləri arasında ayrı-ayrı fənnlər üzrə xüsusi istedadı olan şagirdlərin aşkarlanması, onların bilik və bacarıqlarının qiymətləndirilməsi,şagirdlərin həmin fənnlərə olan maraqlarının artırılması məqsədilə keçirilən elm yarışıdır.Mayın 25-də keçirilən məktəblililərin Respublika Fənn Olimpiadalarının final mərhələsinin nəticələrinə görə məktəbin 8 ''a'' sinif şagirdi Qurbanov Fuad Polad oğlu kimya fənni üzrə Qızıl medala,məktəbin 9''a ''sinif şagirdi Şıxızadə Gülnaz Soltan qızı isə coğrafiya fənni üzrə Bürünc medala layiq görülmüşdür.Onu da qeyd etmək istəyirik ki,Qurbanov Fuad VIII sinif şagirdidir və o, IX sinif şagirdlərinin Respublika Fənn Olimpiadalarında iştirak edərək qızıl medala layiq görülmüşdür.Bu möhtəşəm və qürurverici qalibiyyət münasibətilə onları təbrik edir və gələcəkdə daha böyük uğurlar arzulayırıq.