Novruz atributu texnologiya dərsində
Novruz bayramı bizim xalqımızın milli ,həm də qədim köklərə malik bayramlarından biri,daha doğrusu birincisidir.
Od çərşənbəsi yeni həyatın, baharın, istiliyin gəlişini simvolizə edir. Ənənəyə görə, Od çərşənbəsindən sonra bahara doğru daha da yaxınlaşmış oluruq, Günəş yavaş-yavaş torpağı qızdırır, isindirir. Bu çərşənbədə daha güclü tonqallar çatılmalı, daha güclü atəşfəşanlıq keçirilməlidir, tonqalın ətrafına toplaşan insanlar odun üzərindən atlanmaqla köhnə ildən qalan əzablarını, ağırlıqlarını sanki arxada qoyur və yeni ildə xoşbəxt, firavan həyat yaşayacaqlarına inanırlar. Bayram sevincini yaşayan 3 “C” sinif şagirdləri martın 5-də texnologiya dərsində sinif müəllimi Sevda Cavadovanın rəhbərliyi ilə Novruz atributu olan yumurtanın rəngarəng və füsunkar naxışlarını işlədilər. Bu onlara böyük zövq verdi.
