Məktəblilər Fəxri xiyabanda Ulu öndərin məzarını ziyarət etdilər
13 dekabr tarixdə ümummilli lider Heydər Əliyevin anım günü münasibətilə məktəbin 2c sinif şagirdləri Fəxri xiyabanda Ulu öndərin məzarını ziyarət etdilər.Uşaqlar ümummilli liderin məzarı üzərinə gül dəstəsi qoyub, onun xatirəsini ehtiramla anıblar.Daha sonar onlar Zərifə xanım Əliyevanın da məzarını ziyarət etdilər. 2c sinif müəllimi Təranə Əsədova şagirdlərə Azərbaycan xalqının tarixində və taleyüklü məsələlərin həllində müstəsna xidmətləri olan tarixi şəxsiyyət haqqında məlumat verdi.Bildirdi ki, Azərbaycan xalqının tarixi şəxsiyyətləri içərisində ümummilli lider adını qazanmış görkəmli dövlət xadimi ,dünya miqyaslı siyasətçi Heydər Əliyevin xüsusi rolu vardır.Bu dahi insan Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi qalmışdır.