Növbəti uğur
İstedadlı uşaqları aşkar etmək, onların potensiallarını inkişaf etdirmək, fənlərin öyrənilməsində həmin şagirdlərə şərait yaratmaq üçün keçirilən müsabiqələr şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılmasında əvəzsiz rola malikdir. Bu yolla da istedadlı şagirdlərimiz müəyyən edilir, Riyaziyyat, fizika, kimya, biologiya və informatika fənləri üzrə VI-VII sinif şagirdləri arasında iki mərhələdə keçirilən fənn musabiqəsinin mükafatlandırma mərasimi 01 noyabr 2018-ci il tarixdə keçirildi.Məktəbimizin VII sinif şagirdi Qurbanov Fuad Polad oğlu kimya fənni üzrə III yerə layiq görüldüyü üçün bürünc medalla,kimya müəllimi Qurbanova Nətavan Cəbrayıl qızı Fəxri fərmanla mükafatlandırıldılar.Onlara gələcəkdə daha böyük uğurlar arzulayırıq.
