Şəhidlər ölmürlər
Azərbaycanın bütövlüyü uğrunda, torpaqlarımızın qorunmasında canlarından keçmiş şəhidlərimizin ömür yolu gənclərimizə örnəkdir. Hər bir Azərbaycan vətəndaşı öz milli qəhrəmanlarını tanımalı, onların keçdiyi həyat yolundan çox şeyləri öyrənməlidir.
Torpaqlarımızın qorunması, vətənimizin müdafiəsi uğrunda canından, qanından keçərək şəhidlik zirvəsinə ucalmaq ən böyük şərəf və qürurdur.
20 oktyabr 2018-ci il tarixdə məktəbimizin 2017-ci il məzunu Mustafayev Rəzi Şakir oğlu düşmən gülləsinə tuş gələrək Şəhid olmuşdur.
Şəhidlik zirvəsi. Bu zirvəyə qalxmaq hər kəsə nəsib olmur. Yalnız müqəddəs amallar uğrunda çarpışan, qorxu nə olduğunu bilməyən, Vətən və xalq yolunda canını fəda etməkdən çəkinməyən cəsarətli, ləyaqətli insanlar yüksələ bilərlər bu uca zirvəyə
Bu yüksəkliyə ucalan insanlar ölmürlər, əksinə ölümləri ilə bir əbədilik qazanırlar. İllər ötüb, qərinələr dolaşsa da, Rəzi heç vaxt unudulmayacaq , həmişə minnətdarlıq duyğuları ilə yada salınaraq, xatirəsinə dərin ehtiram bəslənəcəkdir.Allah rəhmət etsin.
