Yol təhlükəsizliyi məktəblilərin obyektivində
29 Noyabrda Beynəlxalq Mətbuat Mərkəzində “Azərbaycan Milli Avtomobil Klubu” (AMAK) İctimai Birliyi tərəfindən yol təhlükəsizliyi mövzusunda Bakı məktəbliləri arasında keçirilmiş müsabiqənin qaliblərinin mükafatlandırılması mərasimi keçirilib. Müsabiqədə iştirak edən uşaqlar şəkil,plakat,video,şüar və kreativ işlər nominasiyaları üzrə işlər təqdim ediblər. Bu tədbirdə məktəbimizin 5”B” sinif şagirdi Məmmədov Emil kreativ işlər nominasiyası üzrə təşkil olunan müsabiqədə fəal iştirakına görə Diplom ilə təltif olundu. Bu müsabiqənin məqsədi yaradıcı yeniyetmələrin üzə çıxarılmasından ibarət idi. Şagirdimizə gələcəkdə daha böyük nailiyyətlər arzu edirik.
