Məktəbdə riyaziyyat fənnindən təqdimat dərs keçirildi
Noyabrın 23-də 8”A” sinfində riyaziyyat fənni üzrə keçirilən dərsdə “Hasilin və nisbətin kvadrat kökü “ mövzusunda şagirdlər tərəfindən hazırlanmış təqdimat dərs keçirildi. Dərs prosesi şagirdlər tərəfindən hazırlanmış təqdimatların nümunəsində çox maraqlı və işgüzar alındı. Belə ki, qrup işi, fərdi iş, qarşılıqlı qiymətləndirmə dərsin daha maraqlı keçməsinə səbəb oldu. Dərs prosesində riyaziyyat müəllimi Kəmalə Nuriyeva şagirdlərin belə fəallığını çox müsbət qiymətləndirdi və dəyərli məsləhətlərini verdi. Belə dərslərin keçirilməsi şagirdlərin yaradıcı və elmi fəaliyyətinin, intellektinin artmasına müsbət təsir edir.
