Məktəbimizdə kimya fənni üzrə açıq dərslər keçirildi
Məktəbin fəaliyyət planına əsasən kimya fənninin mənimsənilməsi vəziyyətini yoxlamaq, ilkin çatışmamazlıqları aradan qaldırmaq, inteqrasiyalı təlimin həyata keçirilməsi məqsədi ilə ay ərzində kimya fənninin tədrisi öyrənilmişdir. R.Nəsirov adına 111 nömrəli tam orta məktəbin rus bölməsi üzrə kimya müəllimi Məmmədova Aygün Rasim qızı 8ç/r sinfində “Oksidlər” 9ç/r sinfində isə “Metallar” mövzusunda keçirdiyi açıq dərslərdə şagirdlərin nəzəri bilikləri, təcrübi yaradıcılıqları təqdim olundu. Müəllimin dərsdə interaktiv təlim metodlarından istifadə etməsi, dərsin təşkili, müəllim-şagird münasibətlərinin düzgün qurulması dərsdə iştirak edən müəllimlər tərəfindən yüksək qiymətləndirildi.
