Məktəbimizin ingilis dili müəllimi " Əməkdar müəllim"fəxri adına layiq görüldü
Dövlətimizin diqqət və qayğısını daim öz üzərlərində hiss edən təhsil işçiləri hər il olduğu kimi, bu il də 5 oktyabr - Beynəlxalq Müəllimlər Günü ərəfəsində sevinc dolu anlar yaşadı. Ölkə Prezidenti cənab İlham Əliyevin müvafiq sərəncamı ilə bir sıra təhsil işçiləri “Əməkdar müəllim” fəxri adına və “Tərəqqi” medalına layiq görüldü.
Bu sevindirici xəbərdən bizə də pay düşdü:Azərbaycan Respublikası Prezidentinin Sərəncamı ilə Azərbaycan təhsilinin inkişafında xidmətlərinə görə məktəbimizin ingilis dili müəllimi,l-XI siniflər üzrə dərslik və elmi-metodik vəsaitlər müəllifi Quliyeva Qıztamam Əliağa qızı" Əməkdar müəllim"fəxri adına layiq görüldü.Onunla qürur duyur, fəxri ad almağı münasibəti ilə təbrik edir,ona can sağlığı,gələcək fəaliyyətində davamlı uğurlar arzulayırıq.
