Xocalı qan yaddaşımız
Bu gün məktəbimizin akt zalında “ Xocalı soyqrımı “nın 32-ci il dönümünün qeyd olunması ilə əlaqədar tədbir keçirildi.Tədbiri giriş sözü ilə məktəbin tarix müəllimi Süleymanova Hədiyyə açdı.O öz çıxışında qeyd etdi ki , Xocalı soyqrımı Azərbaycan tarixinə ən dəhşətli və faciəvi səhifələrdən biri kimi daxil olmuşdur. 1992 -ci ilin fevralın 26 -da Ermənistan hərbi birləşmələri Xocalı şəhərində genosit aktı həyata keçirdi.Onlar şəhərə hücum edərək 3000-nə yaxın şəhərdə qalmış insanları blogkadaya saldı, 613 nəfər öldürüldü, 1000 nəfər müxtəlif yaşlı dinc sakin aldığı güllə yarasından əlil oldu.106 nəfər qadın, 63 az yaşlı uşaq, 70 qoca öldürüldü , 8 ailə tamamilə məhv edildi.Sonra ssenari əsasında 4 -cü sinif şagirdləri tərəfindən hazırlanmış ədəbi bədii kompozisiyalar göstərildi, şeirlər söylənildi. Xocalı hadisələrini əks etdirən slaydlar nümayiş etdirildi. Tədbiri yekun sözü ilə məktəbin direktor müavini Şəfaqət Vəliyeva yekunlaşdırdı.
