Şəhidlər ölməz, vətən bölünməz
Yanvarın 18-də məktəbin akt zalında 20 Yanvar hadisəsinə həsr olunmuş “Şəhidlər ölməz, vətən bölünməz” adlı tədbir keçirildi. Tədbir dövlət himnimizin oxunması ilə açıldı.Sonra 20 Yanvar şəhidlərinin xatirəsi 1 dəqiqəlik sükutla yad edildi. Tədbirdə məktəbin direktoru K. Mehdiyev, müəllim və şagird kollektivi iştirak edirdi. Tarix müəllimi A. Səfərova müəllimə 20 Yanvar hadisələri barədə məlumat verdi. Şagirdlərin ifasında şeirlər səsləndirildi. Daha sonra şəhidlərin həyatına həsr olunmuş kiçik bir səhnəcik maraqla izlənildi. Tədbir “Torpağın səsi” adlı mahnı ilə sona çatdı.