“MƏNİMLƏ DANIŞ” KAMPANİYASI ÇƏRÇİVƏSİNDƏ GÖRÜŞ
25 noyabr 2019 tarixində 103 nömrəli tam orta məktəbdə V sinif şagirdləri ilə “Mənimlə danış” kampaniyası çərçivəsində görüş təşkil olunub. Görüşü məktəbin psixoloqu Sevinc Mehdiyeva keçirib. Görüşün əsas məqsədi məktəbdə sağlam mənəvi-psixoloji mühitin təmin edilməsi, təhsilalanların hər hansı fiziki və psixoloji zorakılıq hallarından qorunmasına yardımçı olmaqdan ibarətdir.
Təhsil Nazirliyi və YUNİSEF-in birgə əməkdaşlığı çərçivəsində keçirilən görüşdə ümumi təhsil müəssisələrində şagirdlərin sağlamlığının və təhlükəsizliyinin təmin edilməsi, tərbiyə işinin, məktəb-ailə münasibətlərinin düzgün tənzimlənməsi, məktəblərdə psixoloji xidmət və sağlam psixoloji mühitin rolu barədə geniş məlumatlar verilib. Məktəblərdə sağlam mühitin yaradılması ilə bağlı müvafiq müzakirələr aparılıb, "Mənimlə danış” kampaniyasından bəhs edən videoçarx nümayiş olunub.
