103 №-li tam orta məktəb

"Valideyn-müəllim-şagird üçbucağı" adlı sosial layihə çərçivəsində "Yaşıl Dünya naminə həmrəylik ili" ilə əlaqədar Z.Məmmədov adına 103 nömrəli tam orta məktəbin şagirdlər və valideyn, müəllimin iştirakı ilə məktəb həyətindəki quşlar üçün quş yuvaları hazırlanmışdır.

Yaşıl layihə : “Təbiəti qoruyanlar” adlı layihənin keçirilməsi ilə bağlı Tədbirlər Planına əsasən Z.Məmmədov adına 103 nömrəli tam orta məktəbin 2d sinif rəhbəri Aytən Babazadənin təşkilatçılığı ilə 2d sinif şagirdləri " Tullantıdan sənətə " muzeyinə ekskursiyada oldular . “Tullantıdan sənətə” muzeyi uşaqlara güclü təsir bağışladı. İnsan təxəyyülünün gücü hər şeyi qadirdir devizi uşaqların dünyagörüşündə bir yenilik yaratdı.

Z.Məmmədov  adına 103 nömrəli tam orta məktəbdə Aprel döyüşlərinə həsr olunmuş "Böyük zəfərin başlanğıcı"  rəsm müsabiqəsi keçirildi. . Ən yaxşı əl işlərinə  Fəxri Fərmanlar təqdim olundu.

Z.Məmmədov adına 103 nömrəli tam orta məktəbin 17 şagirdi XI siniflərin buraxılış imtahanında 200-dən yüksək bal toplamışdır. Şagirdlərimizi təbrik edirik və onlara gələcəkdə də uğurlar arzulayırıq!

Z.Məmmədov adına 103 nömrəli tam orta məktəbdə məktəbdənkənar və sinifdənxaric tərbiyə işi üzrə təşkilatçı Yasəmən Abdullayeva , UBTR Vüsalə Məmmədova,  kitabxana müdiri Minayə Məmmədova ,  kitabxanaçı Aysel Kərimova və ibtidai sinif müəllimi Xədicə Qədəşovanın  birgə təşkilatçılığı ilə “Beynəlxalq Uşaq Kitabı Günü” adlı tədbir keçirilib.

Tədbirdə Beynəlxalq Uşaq Kitabı Gününün yaranmasının tarixi haqqında danışaraq, Azərbaycan və dünya uşaq ədəbiyyatının görkəmli simaları haqqında məlumat veriblər. Daha sonra  bildirilib ki, uşaqların tərbiyəsində kitablar xüsusi yer tutur. Kitab onları zəngin mənəvi zövqə malik bir insan kimi tərbiyə edir, öz xalqının zəngin tarixi keçmişinə dərindən bələd olmasına imkan yaradır.

Sonda  şagirdlər arasında “Kitab oxumaq bizə nə qazandırır?” mövzusunda sual-cavab aparılıb və kitablar hədiyyə edilib.