Valideynin məktəbdə bir günü
Valideynlərin övladlarının təhsil aldıqları müəssisə ilə yaxından tanışlığının təmin olunması, istər infrastruktur, istərsə də tədris prosesinin təşkilinin təkmilləşdirilməsi istiqaməti üzrə rəy və təkliflərin əldə edilməsi məqsədilə 103 nömrəli məktəbdə “Valideynin məktəbdə bir günü” adlı layihə keçirildi. Rəsmi açılışdan sonra valideynlər ümumtəhsil müəssisəsi ilə əyani tanış oldular. Məktəbin direktoru Səma Həziyeva və təlim tərbiyə işləri üzrə direktor müavini Cəmalə Hüseynova çıxış etdiyi seminar keçirildi. Valideynlərə ümumtəhsil pilləsində təhsil alanların attestasiyasının aparılması qaydası ilə bağlı valideynlərə məlumat verildi. Tədbir dərs gününə təsadüf etdiyi üçün, valideynlər müəyyən növbələrlə tədris prosesini izləmək şansı əldə etdilər. Tədbirin yekununda valideynlər qeyri formal mühitdə ünsiyyət qurma və əməkdaşlıq perpektivlərini müzakirə etdilər.
