Qəlblərdə yaşayan öndər
103 nömrəli tam orta məktəbdə Azərbaycan Respublikasının Ümummilli lideri, bütün dünya türklərinin əvəzsiz şəxsiyyətlərindən biri, XX əsr dünya siyasətində xüsusi yeri olan, Azərbaycan dövlətinin yaradıcısı, müdrik siyasətçi və müdrik insan Heydər Əlirza oğlu Əliyevin 96 - illik yubileyinə həsr olunmuş " Qəlblərdə yaşayan öndər " adlı tədbir keçirildi. Tədbiri məktəbin direktoru Səma Həziyeva giriş sözü ilə açaraq bildirdi ki , Ümummilli liderin adı hər bir kəsin qəlbində sadəliyi, səmimiyyəti, vətənpərvərliyi və digər yüksək insani dəyərləri ilə unudulmaz iz buraxıb. Azərbaycan xalqının çox əsrlik tarixinin son yüzilliyində yetirdiyi dahi və ən böyük şəxsiyyəti olan Heydər Əliyevin öz xalqı və dövləti qarşısında xidmətləri misilsiz olub. Ulu öndər Azərbaycan adlı bir müstəqil dövlət qurub, onun sabitliyini, dönməzliyini təmin edib, Milli mənəvi dəyərlərimizə qayıdışın, Milli özünüdərkin əsasını qoyub. Heydər Əliyevin məqsədyönlü siyasəti nəticəsində xalqımız böyük uğurlar qazanıb. Ulu öndərimizin ölməz ideyaları bu gün prezident İlham Əliyevin siyasətində öz əksini tapıb.
Daha sonra məktəblilərin ifasında ümummilli lider Heydər Əliyevin xatirtəsinə həsr olunanan olunan şeirlər səsləndi.Tədbir Ulu öndər Heydər Əliyevin həmişə qürur hissi ilə dediyi: “Mən həmişə fəxr etmişəm, bu gün də fəxr edirəm ki, mən Azərbaycanlıyam” kəlamı ilə yekunlaşdı.
