Bir də dönsəm Şuşama
Mayın 8-də 103 nömrəli tam orta məktəbin şagirdləri Şuşa şəhərinin işğalının 26-ci ildönümü ilə əlaqədar “Bir də dönsəm Şuşama” adlı söhbət keçirib.
Söhbətdə məktəbin direktoru Səma Həziyeva və tarix müəllimi Murad Əliyev öz çıxışlarında şagirdlərə 1992-ci ilin 8 mayında Azərbaycanın dilbər guşəsi, musiqi və mədəniyyət ocağı olan Şuşa şəhərinin işğalı nəticəsində nadir tarix-memarlıq tikililəri, qədim abidələr, yaşayış binaları, zəngin muzey və kitabxanalar, bir vaxtlar təkrarolunmaz təbiətinə görə “Qafqazın cənnəti” adlandırılan yerlərin xarabazara çevrilməsindən və düşmən tərəfindən talan edilməsindən, 195 nəfər azərbaycanlının xüsusi amansızlıqla qətlə yetirilməsindən, 20 mindən artıq əhalinin məcburi köçkün vəziyyətinə düşməsindən söhbət açıblar.
