12 noyabr Konstitusiya Günüdür.
Binəqədi rayonu Z.Məmmədov adına 103 saylı tam orta məktəbdə 12 noyabr Konstitusiya gününə həsr olunmuş dəyirmi masa keçirildi.Məktəbin müəllimi Şirinova Sevinc şagirdlərə məlumat verdi.O ,bildirdi ki,Azərbaycan Respublikasının 1995-ci ildə qəbul edilmiş Konstitusiyası Azərbaycan Dövlətinin sayca dördüncü Konstitusiyası olub onun yeni tarixi modifikasiyasını əks etdirir.Azərbaycan müstəqillik əldə edəndən sonra yeni Konstitusiya hazırlanması zərurəti yarandı. Bu məqsədlə Prezident Heydər Əliyevin rəhbərliyi ilə xüsusi komissiya yaradılmışdı. 1995-ci il noyabrın 12-də keçirilmiş referendumda xalqın iradəsinə uyğun olaraq bu yeni Konstitusiya qəbul edildi.Azərbaycan Respublikası Konstitusiyasının mətni 5 bölmədən, 12 fəsildən və 158 maddədən ibarətdir.1996-cı il fevralın 6-da Prezident Heydər Əliyev sərəncamı ilə noyabrın 12-i Konstitusiya günü elan edildi.Noyabrın 12-i ölkəmizdə Azərbaycan Respublikasının Konstitusiya günü kimi qeyd edilir.
