Sən azadsan Qubadlı!
Oktyabrın 25-də Z.Məmmədov adına 103 nömrəli tam orta məktəbdə Qubadlı şəhəri gününə həsr olunmuş “Sən azadsan Qubadlı !” adlı tədbir keçirilib. İlk öncə Azərbaycan Respublikasının Dövlət Himni səsləndirilib və şəhidlərimizin əziz xatirəsi bir dəqiqəlik sükutla yad edilib.
Çıxışlarda Qubadlı rayonunun tarixi və işğaldan azad olunduqdan qısa müddət sonra rayonda aparılan yenidənqurma işləri haqqında məlumat verilib. Qeyd edilib ki, Müzəffər Ali Baş Komandanın rəhbərliyi ilə Azərbaycan Ordusunun qazandığı Qubadlı zəfəri hərb tariximizə qızıl hərflərlə yazılıb.
Sonra Z.Məmmədov adına 103 nömrəli tam orta məktəbin şagirdləri Vətən müharibəsinə həsr olunmuş şeirlərlə çıxış ediblər.
