ZƏFƏRİN ZƏNGİLAN ZİRVƏSİ
Oktyabrın 20 -də Z.Məmmədov adına 103 nömrəli tam orta məktəbin təşkilatçılığı ilə Xocəsən qəsəbə klubunda Zəngilan şəhəri gününə həsr olunmuş “Zəfərin Zəngilan zirvəsi” adlı tədbir keçirilib. İlk öncə Azərbaycan Respublikasının Dövlət Himni səsləndirilib və şəhidlərimizin əziz xatirəsi bir dəqiqəlik sükutla yad edilib.
Çıxışlarda Zəngilan rayonunun tarixi və işğaldan azad olunduqdan qısa müddət sonra rayonda aparılan yenidənqurma işləri haqqında məlumat verilib. Qeyd edilib ki, Müzəffər Ali Baş Komandanın rəhbərliyi ilə Azərbaycan Ordusunun qazandığı Zəngilan zəfəri hərb tariximizə qızıl hərflərlə yazılıb.
Sonra Z.Məmmədov adına 103 nömrəli tam orta məktəbin şagirdləri Vətən müharibəsinə həsr olunmuş şeirlərlə çıxış ediblər.
