Ulu öndər
3 oktyabr tarixində kitabxana müdiri Minayə Məmmədovanın təşkilatçılığı ilə " Ulu öndər " adlı tədbir keçirildi. Minayə Məmmədova şagirdləri ulu öndər Heydər Əliyevə həsr olunmuş kitab sərgisi ilə tanış etmiş və onlara geniş məlumat vermişdir. Tədbirdə məktəbin təşkilatçı müavini Yasəmən Abdullayeva çıxış etdi. O , çıxışında bildirdi ki , Azərbaycan xalqının müasir tarixində -15 iyun Ulu Öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışı oldu. XX-XXI əsrlərin qovuşuğunda Azərbaycanın demokratik və bəşəri dəyərlərə sadiq müstəqil bir dövlət kimi formalaşması ümummilli lider Heydər Əliyevin uğurlu siyasi fəaliyyətinin bəhrəsidir. Ulu öndər Azərbaycanın müstəqilliyinin möhkəmləndirilməsini, xalqın birliyinin təmin olunmasını, ictimai-siyasi sabitlik və iqtisadi dirçəliş üçün zəmin yaradılmasını özünün dövlətçilik strategiyasının əsas istiqamətləri kimi müəyyənləşdirdi.
