Beynəlxalq Uşaq Kitabı Günü
Z.Məmmədov adına 103 nömrəli tam orta məktəbdə kitabxana müdiri Minayə Məmmədova və sinif rəhbəri Arzu Eyvazovanın təşkilatçılığı ilə Beynəlxalq Uşaq Kitabı Günü ilə bağlı tədbir keçirildi. Minayə Məmmədova “Beynəlxalq Uşaq Kitabı günü” münasibətilə məktəbliləri təbrik etmiş, bu günün keçirilməsində əsas məqsədin gənc nəslə mədəni xidmət göstərmək, kiçik yaşlı oxucuların mütaliəsinə düzgün yanaşmaq, məktəbli oxucuların mütaliə mədəniyyətini yüksəltmək, uşaqlara kitab bağışlamağın və onlarda kitaba məhəbbət yaratmağın müqəddəs bir vəzifə olduğunu vurğulamışdır.
