Sağlam qidalanma - sağlam gələcək...
Məktəblərdə keyfiyyətli qida məhsullarının əlçatan edilməsi ilə yanaşı oğlan və qızlar üçün yemək hazırlanması və sağlam qidalanma ilə bağlı dərslərin təşkili yaxşı nəticələr verir. Məktəbimizin Həyat bilgisi və Texnologiya fənni tədris edən müəllimlərimiz İlahə Mustafayeva və Emilya Əzimova bildirir ki , hər bir uşaq və yeniyetmə qidanın hazırlanması və yemək bişirməyə dair bacarıqlara malik olmalıdır. Uşaqlar valideynlərindən yemək bişirməyi öyrənməli olduğu halda, buna az hallarda nail olurlar. Praktik baxımdan uşaqlar həmçinin qida məhsullarının üzərində olan etiketləri, qidanın enerji, zülal, karbohidrat, yağlar və s. tərkibini oxumağa bacarmalı, yaşlarına uyğun gündəlik enerji tələbatlarını da bilməlidir.
