Ana dilimizi sevək , qoruyaq!
Fevralın 21 -də Z.Məmmədov adına 103 nömrəli tam orta məktəbdə kitabxanaçı Minayə Məmmədova və dil ədəbiyyat müəllimi Əfqanə İsmayılovanın təşkilatçılığı ilə "Ana dilimizi sevək , qoruyaq!" adlı tədbir keçirildi.Tədbiri Minayə Məmmədova çıxışı ilə açaraq bildirdi ki , Fevralın 21-i bütün dünyada Beynəlxalq Ana Dili Günü kimi qeyd olunur. 1999-cu ilin noyabrında Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib.Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır.
Daha sonra şagirdlər arasında sual cavab keçirildi.
