Valideynin məktəbdə bir günü
Azərbaycan Respublikası Təhsil Nazirliyinin F-66 №li əmrini əsas tutaraq məktəbimizdə "Valideynin məktəbdə bir günü " adlı layihə ilə bağlı " Açıq qapı " günü keçirilmişdir.
Məktəbin direktoru Səma Həziyeva layihənin əhəmiyyəti barədə məlumat vermiş və bildirmişdir ki, layihə valideynlərin məktəb mühiti ilə daha yaxından tanış olmasına şərait yaradır.Həmçinin müəllim-valideyn münasibətlərinin inkişafı baxımından əlverişli psixoloji mühitin yaradılmasında mühüm rol oynayır .
Müəllim -valideyn əməkdaşlığının şagirdlərin təlim-tərbiyəsindəki rolundan bəhs edən Səma Həziyeva valideynləri təhsil prosesinə cəlb etmək və onların məktəblə əlaqəsini daha da gücləndirmək üçün görülən intensiv işlərdən söhbət açmışdır.
Valideynlər şagirdlərin əl işlərindən ibarət sərgi ilə tanış oldular və məktəb akt zalında təşkil olunan ədəbi-bədii kompozisiyanı izlədilər. Şagirdlərimizin hazırladıqları çıxışlar alqışlarla qarşılandı.Daha sonra valideynlər nümunəvi dərslərdə iştirak etdilər. Məktəbin direktoru Səma Həziyeva gələn valideynlərə tədbirdə iştiraklarına görə təşəkkürünü bildirdi.
