Həyat bilgisi dərsi Bakı Zooloji Parkında keçirildi
Təhsilalanların fəal öyrənməsinə dəstək verən üsullardan biri kimi dərs-ekskursiya formasını dəyərləndirmək, ümumi təhsil müəssisəsinin yerləşdiyi şəhərdə (rayonda) olan ictimai və mədəni obyektlərin imkanlarından istifadə etmək vacibdir. Bu mənada Bakı şəhərində yerləşən ümumi təhsil müəssisələri Bakı Zooloji Parkının təklif etdiyi öyrənmə mühitini yaxından tədqiq edə bilər. Xüsusilə həyat bilgisi, biologiya, coğrafiya fənlərinin müvafiq bölmə və mövzularının dərs-ekskursiyada öyrənilməsi yüksək səmərə verir.
Namiq Axundov adına 1 nömrəli tam orta məktəbin ibtidai sinif şagirdləri sinif rəhbərlərinin iştirakı ilə bu fürsətdən yararlanmaqla həyat bilgisi dərslərini Bakı Zooloji Parkında keçirmişlər.
