83 №-li məktəb-lisey

Məktəb-liseyin 6-cı sinif şagirdlərinin iştirakı ilə “Novruz əsərlərdə” adlı tədbir keçirilib. Məktəb rəhbərliyinin, valideyn və şagirdlərin iştirak etdiyi tədbirdə xalqımızın qədim tarixini əks etdirən, milli adət və ənənələrimizi özündə birləşdirən Novruz bayramının tarixi, Novruz atributları haqqında geniş məlumat verilən əsərlərdən parçalar nümayiş etdirilib. Şagirdlər öz çıxışlarında Novruz bayramının sülh və əmin-amanlığın, insanlar arasında birliyin və mehribanlığın carçısı olmasını təqdim ediblər.

Tədbirdə çıxış edən məktəb-liseyin direktoru Almaz Bayramova milli adət-ənənələrin gələcək nəsillərə ötürülməsinin və milli-mənəvi dəyərlərimizin qorunub saxlanılmasının vacibliyini şagirdlərin diqqətinə çatdırıb.

Bayram tədbirində şagirdlər baharın təravətli nəfəsini özü ilə gətirən Novruz bayramına aid mahnılar oxuyub, şeirlər söyləyib, maraqlı səhnəciklər nümayiş etdiriblər. Şagirdlərin ifasında milli rəqslər, xalq oyunları, Keçəl və Kosanın məzəli əhvalatları, Bahar qızının gəlişi tədbirə rəngarənglik qatıb.

Üzeyir Hacıbəylinin “Arşın mal alan” operettası 110 ildir Azərbaycan mədəniyyətinin bəzəyidir və onu dünyada tanıdır.

12.03.2024 –cü il, Yel çərşənbəsində məktəb-liseyin rus bölməsi üzrə 5E sinif şagirdləri "Arşın mal alan" əsərindən sujetləri səhnələşdirdilər.

Nəsillər bir –birini əvəz etsə də , zövqlər dəyişsə də “ Arşın mal alan “ öz təravətini saxlayır , insanlara xoş təbəssüm və hisslər bəxş edir. Milli –mənəvi dəyərlərimiz şagirdlərə mənimsədilir və təbliğ olunur.

Tədbir Yel çərşənbəsinə təsadüf etdiyindən şagirdlər Novruz adət-ənənələrinə də toxunmuş oldular. Qızlar tərəfindən milli şirniyyatların hazırlanması nümayiş olundu, oğlanlar isə Novruz adətlərini şeir formasında sadaladılar, ”Keçəl və kosanın“ qaravəllisini ardıcıl şəlikdə göstərdilər.

 Qazaxıstanda və Ərəb Əmirliklərində keçirilmiş yarışlarda Qızıl medala layiq görülmüş məktəb-liseyin şagirdi Yusifli Aylinin “Sarı gəlin“ in sədaları altında rəqs nömrəsi alqışlarla qarşılandı.

Xalqımız bir bayraq altında birləşərək böyük coşqu ilə Novruzu qarşılayır. Hər eldə, hər obada zəfər nəğməsi çalınır. Şagirdlərin vətənpərvər, Qarabağa çağırış xarakterli şeirləri tədbirimizi daha da gözəlləşdirdi.

Tədbir Abdinova Aylanın “Kəndimiz “ mahnısı ilə sona çatdı.

Bakı Şəhəri üzrə Təhsil İdarəsi tərəfindən “Yaşıl dünya naminə həmrəylik ili”nə həsr olunmuş “Bütöv Azərbaycana ilk bahar gəlir” adlı bayram festivalı keçirilib.

Paytaxtdakı 229 nömrəli tam orta məktəbdə təşkil olunan festivalda Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin (BŞTİ) müdiri vəzifəsini müvəqqəti icra edən Nərminə Hüseynova, millət vəkilləri Sadiq Qurbanov, Məlahət İbrahimqızı, İltizam Yusifov, Könül Nurullayeva, Səbinə Xasayeva, Elm və Təhsil Nazirliyinin Daxili nəzarət şöbəsinin müdir müavini Kamran İsmayılov, Nizami Rayon İcra Hakimiyyəti başçısının müavini İldırım Mehdiyev, şair Baba Vəziroğlu, BŞTİ-nin struktur bölmə rəhbərləri, Nizami Rayonu İcra Hakimiyyətinin nümayəndələri, məktəb direktorları, məktəbdənkənar təhsil müəssisələrinin rəhbərləri, müəllimlər və şagirdlər iştirak ediblər.

Öncə qonaqlar festival çərçivəsində keçirilən ağacəkmə aksiyasında iştirak ediblər.

Daha sonra Novruz adət-ənənələrini canlandıran və müxtəlif bölgələrimizi tərənnüm edən guşələrə baxış keçirilib.

Çıxış edənlər festival iştirakçılarını xalqımızın milli bayramı olan Novruz münasibətilə ürəkdən təbrik edib, firavanlıq və xoş günlər arzulayıblar. Bildirilib ki, digər illərdən fərqli olaraq bu il Novruz bayramı ərazilərinin tam suverenliyinə nail olmuş Azərbaycanda qeyd edilir. Uzun illər sonra bütöv Azərbaycanın Novruzu qeyd etməsini Ali Baş Komandan İlham Əliyevin böyük sərkərdəlik məharətinə, güclü iradəsinə və qətiyyətinə, müzəffər və yenilməz ordumuzun şücaətinə borcluyuq.

Qeyd olunub ki, BŞTİ-nin tabeliyindəki ümumi təhsil müəssisələrində xalqımızın qədim tarixini, milli adət və ənənələrini  gənc nəslə daha yaxından tanıtmaq, təbliğ etmək məqsədilə müxtəlif tədbirlər keçirilir. Bu istiqamətdə reallaşdırılan “Dəyərlərimizi qoruyaq!” layihəsi çərçivəsində təşkil olunan “Bütöv Azərbaycana ilk bahar gəlir” adlı bayram festivalı milli-mənəvi dəyərlərimizə, tariximizə, köklərimizə nə qədər bağlı olmağımızın bariz nümunəsidir.

 Tədbir iştirakçıları festivalın “Yaşıl dünya naminə həmrəylik ili”nə həsr olunmasını yüksək qiymətləndiriblər. Bildiriblər ki, şagirdlərin burada səsləndirdikləri mahnılar və şeirlər, həm də ətraf mühitin sağlamlaşdırılması, yaşıllıqların bərpası və artırılması ilə bağlı ötürülən gözəl mesajlardır.

Tədbirdə şagirdlər və Uşaq-Gənclər İnkişaf mərkəzlərinin dərnək üzvləri baharın təravətli nəfəsini özü ilə gətirən Novruz bayramına aid mahnılar ifa edib, yallı gedib, şeirlər səsləndirib, maraqlı səhnəciklər və digər özfəaliyyət bacarıqlarını nümayiş etdiriblər.

Sonda məktəbin həyətində bayram tonqalı qalanıb və qonaqlar şagirdlərlə birgə “Cəngi” sədaları altında dövrə vurublar.

Hər il martın 5- i ölkəmizdə Bədən Tərbiyəsi və İdman Günü kimi qeyd olunur. Bununla bağlı məktəb-liseydə də silsilə tədbirlər həyata keçirilir.

İdman həftəsi çərçivəsində fiziki tərbiyə müəllimlərinin rəhbərliyi ilə qol güləşi yarışması keçirildi. Xüsusi maraqla qarşılanan yarışmaya 10 və 11-ci sinif şagirdləri cəlb edilmişdi. Bir neçə mərhələdə keçirilən yarışda şagirdlər öz yaşıdları ilə qol gücünü sınadılar.

İdman həftəsi çərçivəsində məktəb-liseydə şagirdlər arasında müxtəlif istiqamətlərdə əyləncəli yarışlar davam edir.

Bu gün məktəb-liseyin 6-cı sinif şagirdləri arasında “Şən stratlar” əyləncəli idman yarışı keçirilib. Yarışda Zəfər, Kəlbəcər Şuşa və Qarabağ komandalari iştirak edirdi. Komandaların üzvləri yerindən uzunluğa tullanma, tibbi topun atılması və estafet yarışlarında öz qüvvələrini sınayıblar.

Yekun nəticələrə görə Zəfər komandası l yerə (6B), Şuşa komandası ( 6E) ll ci yerə, Qarabağ (6a) və Kəlbəcər ( 6D) komandaları isə III yerə layiq görüldü. Sonda komandalar diplomlarla təltif olunub.