Xocalı Soyqırımını Unutmayaq!
Azərbaycan xalqının XX əsrdə üzləşdiyi dəhşətli Xocalı faciəsi yalnız Holokost, Xatın, Lidisa, Oradur, Sonqmi soyqırımı kimi insanlıq tarixinə düşmüş qanlı olaylarla müqayisə oluna bilər. Xocalı faciəsi təsadüfi hadisə deyil. Xocalı faciəsini törətməklə ermənilər xalqımızı qorxutmaq, mübarizə əzmini qırmaq, tarixi torpaqlarımızın bir qisminin itirilməsi ilə barışmağa məcbur etmək istəyirdilər. Lakin hiyləgər düşmən məqsədinə çata bilmədi. Xalqımız öz dövlətinin suverenliyi və ərazi bütövlüyü uğrunda mübarizədə daha da mətinləşdi,qəhrəmanlıq və dəyanət nümayiş etdirdi.
Bu gün Qanlı Xocalı Soyqırımından 32 il ötür.Məktəbimizin şagirdləri həmin qanlı gecəni hazırladıqları təqdimatlar,sənədli film və qanlı gecəni özündə əks etdirən rəsmlərlə yad etdilər.
