"Azərbaycanlıların 31 Mart Soyqırımının 100-cü ildönümü"nə həsr olunmuş tədbir
89 №li tam orta məktəbdə "Azərbaycanlıların 31 Mart Soyqırımının 100-cü ildönümü"nə həsr olunmuş müxtəlif tədbirlər keçirilmişdir. 27-30 mart tarixlərdə I-XI siniflərdə sinif təşkilat saatlarında “Azərbaycanlıların 31 mart soyqırımının 100-cü ildönümü” haqqında söhbətlər aparılmışdır. “Soyqırım tariximizin qan yaddaşıdır” adlı inşa yazı müsabiqəsi V-XI sinif şagirdləri arasında keçirilmişdir. Bundan başqa Azərbaycanlıların soyqırımı ilə bağlı divar qəzetlərinin buraxılışı və rəsm sərgisi də nümayiş etdirilmişdir. 31 mart soyqırımının 100-cü ildönümü ilə əlaqədar sənədli filmin nümayişi və ədəbi-bədii kompozisiyalardan ibarət tədbir keçirilmişdir.